• Inicio
  • O Belén
  • Begonte
  • Certames
  • Imaxes
  • Actualidade
  • Contacto
Menú
  • Inicio
  • O Belén
  • Begonte
  • Certames
  • Imaxes
  • Actualidade
  • Contacto

Presentado no Belén de Begonte o proxecto “Os nove anos de Fraguas en Lugo”

12/20/2019

Foi presentado no Belén de Begonte (Lugo) o proxecto-homenaxe "OS NOVE ANOS DE FRAGUAS EN LUGO". Ao acto asistiron o presidente do Centro Cultural José Domínguez Guizán, Jesús Domínguez, o alcalde de Begonte, José Ulla, e o presidente do Colectivo Egeria, Xulio Xiz.

Este proxecto está composto polo libro “Os  nove anos de Fraguas en Lugo”, que recolle textos dos promotores desta iniciativa, e doutros amigos e antigos alumnos de Antonio Fraguas, sobre os nove anos que este pasou en Lugo, e da profunda pegada que deixou neles e na sociedade lucense; unha exposición itinerante, composta por doce paneis, nos que se resumen os contidos do libro; e a web fraguasenlugo.org, que recolle todas os contidos da publicación en papel. Neste acto foron presentadas todas estas accións.

"Os nove anos de Fraguas en Lugo"

Convocados polo profesor Manuel Regueiro Tenreiro, que tivo gran relación profesional e persoal con don Antonio Fraguas, reuniron recordos o historiador Antonio Prado Gómez (ao que nada do antigo “Instituto Masculino de Lugo” lle é alleo), e os antigos alumnos do vello profesor, Paco Martín, Xulián Parga e Xulio Xiz, para –por serlle dedicado a Fraguas o Día das Letras Galegas do ano 2019– facer un achegamento á pegada que o Mestre Fraguas deixou na cidade das murallas, e en todos os que tivemos / tiveron a sorte de telo por docente e amigo.

Polo recente pasamento do profesor Manuel Regueiro Tenreiro, a homenaxe a Fraguas ven ser tamén unha homenaxe póstuma ao iniciador deste proxecto, o derradeiro no que con grande ilusión se involucrou.

O proxecto "OS NOVE ANOS DE FRAGUAS EN LUGO” contou coa colaboración do Colectivo Egeria e de GaliciaDigital no desenvolvemento de todas estas accións, e co apoio da Xunta de Galicia.

Esta exposición xa visitou Lugo (IES Lucus Augusti e Biblioteca Provincial), Santiago de Compostela (IES Antonio Fraguas, IES Rosalía de Castro e Pazo de San Roque), A Estrada (Casa das Letras), Vilalba (Casa da Cultura), Ferrol (Ateneo Ferrolán), Guitiriz (IES Poeta Díaz Castro), Burela (IES Perdouro), Palas de Rei (Centro Comarcal da Ulloa), Monterroso (IES), Salamanca (Centro Galego) , Cotobade (Casa do Concello), Becerreá (IES),Viveiro (IES Vilar Ponte), Meira (IES Pedregal de Irimia), Guntín (CPI Tino Grandío), A Fonsagrada (Museo Comarcal), Rábade (IES Río Miño) e será clausurada en Lugo o vindeiro día 30.

Otras noticias

  • El papa Francisco mostró su interés por el belén electrónico de Begonte: "¡Qué bonito!" Abril 23, 25

    El papa Francisco mostró su interés por el belén electrónico de...

  • Comezan as plantacións de árbores do Xardín do Belén de Begonte Abril 11, 25

    O Concello de Begonte comezou as plantacións de...

  • A casa Museo de Victor Corral, no Belén de Begonte Marzo 26, 25

    A próxima edición do Belén de Begonte incluirá...

  • Tres entidades únense para crear o Xardín do Belén en Begonte Marzo 20, 25

    O centro cultural José Domínguez Guizán, o...

  • En Begonte vaise crear O XARDÍN DO BELÉN Marzo 14, 25

    Participarán o CEIP VIRXE DO CORPIÑO, CONCELLO...

  • Superadas as 40.000 visitas no Belén de Begonte. O sábado, 1 de febreiro, acto de clausura de “O Nadal en Begonte” Xaneiro 27, 25

    Finalizadas as actividades e accións de “O...

  • ROMÁN RODRÍGUEZ e JOSÉ CARLOS ULLOA, Socios de Honra do Belén de Begonte Xaneiro 21, 25

    O Belén de Begonte ven de nomear dous novos Socios de Honra: Román...

  • Certame Nacional de Poesía do Belén de Begonte Xaneiro 16, 25

    Reunido o xurado do XLIX CERTAME GALEGO DE...

  • Javier Rivera, gañador do XLIX CERTAME DE XORNALISMO SOBRE O NADAL Xaneiro 15, 25

    Vense de reunir o xurado do XLIX CERTAME DE XORNALISMO SOBRE O...

  • As obras do XXXV CERTAME GALEGO DE ARTE, na Casa da Cultura de Begonte Xaneiro 14, 25

    As 14 obras que concorriron ao XXXV CERTAME...

< >

Belén de Begonte
Avda. de Galicia, s/n – Begonte – 27373 – LUGO – ESPAÑA / info@belendebegonte.es
Teléfono: +34 610 907 306
GaliciaDigital 2017-2024