• Inicio
  • O Belén
  • Begonte
  • Certames
  • Imaxes
  • Actualidade
  • Contacto
Menú
  • Inicio
  • O Belén
  • Begonte
  • Certames
  • Imaxes
  • Actualidade
  • Contacto

Superadas as 40.000 visitas no Belén de Begonte. O sábado, 1 de febreiro, acto de clausura de “O Nadal en Begonte”

01/27/2025

Finalizadas as actividades e accións de “O Nadal en Begonte”, organizadas polo Centro Cultural José Domínguez Guizán, o próximo sábado, 1 de febreiro, ás cinco da tarde, no salón de actos do Belén, vaise celebrar o acto de clausura coa entrega de Premios aos galardoados nos certames de Xornalismo, Poesía, Arte e Debuxo Infantil.

Recibirá o título de Socio de Honra do Belén o escritor e profesor lucense José Carlos Ulloa García, que doou á institución a colección de figuras artesás do crego Edelmiro Ulloa, coas que este montou durante moitos anos o Belén do Hospital Xeral de Lugo.

Ao outro Socio de Honra, Román Rodríguez, Conselleiro de Educación da Xunta de Galicia, ao non poder acudir a Begonte neste día, seralle entregado posteriormente.

Visitas ao Belén

A directiva do Belén quere expresar a súa satisfacción polo número de visitas, polos comentarios e observación dos visitantes, polo comportamento, mesmo cando foron precisas esperas que se procuraron minimizar no posible, nesta edición do Belén.

A falta de maior exactitud de cifras de visitantes, reafirmámonos nos 40.000 que se nos veñen atribuindo nos últimos anos, se ben notamos que aumentou a afluencia, especialmente nas fins de semana inmediatas ás festas, con xornadas nas que se prolongou o horario, e pasaron de dúas mil persoas ao día. Temos superados os 40.000 visitantes, aínda que a última fin de semana non cumpríu as expectativas polo temporal existente.

Á parte das visitas á sede do Belén, rexistramos 5.803 visitas virtuais a través do espazo habilitado na web. Delas, 3.054 elixiron a versión en castelán, 2.577 a de galego, e 172 en inglés. Por outra parte, durante 2024, a web do Belén tivo un total de 34.234 visitas das que 12.283 se produciron o ultimo trimestre do ano.

Sería doado sumar estas cifras para conseguir a cifra que avanzaron algúns medios informativos de 50.000 visitantes, pero a prudencia obríganos a recalcar que simplemente revalidamos o que ata agora eran cálculos ou estimacións, e estamos profundamente satisfeitos da realidade do Belén e dos ecos desa realidade nos medios informativos.

O tempo do Nadal recentemente vivido foi extraordinario para o Belén, e na nosa web figuran recollidas un total de 97 informacións sobre o Belén e as súas actividades en diversos medios informativos -prensa escrita, radio, televisión e internet-, que evidencian a atención espertada e o seguimento das nosas actividades.

Otras noticias

  • Do Belén ao mundo: Os nenos do Colexio de Begonte serán Guías no Belén Novembro 17, 26

    Nenos e nenas de 5º e 6º de primaria, do Ceip...

  • Calendario de O NADAL EN BEGONTE 2026 Novembro 16, 26

    21 de novembro de 2026
    18,00.- Salón de actos do Centro...

  • O Belén de Begonte abrirá as súas portas o sábado, 21 de novembro Novembro 13, 26

    O próximo 21 de novembro, sábado, o Belén de...

  • Pasamento do Presidente de Honra do Belén de Begonte Novembro 08, 26

    Desde o Belén de Begonte temos a dor de...

  • Exposición en Begonte dos cadros presentados ao Certame Galego de Arte Xaneiro 21, 26

    Na casa da Cultura de Begonte está aberta a exposición dos cadros...

  • L CERTAME DE XORNALISMO SOBRE O NADAL Xaneiro 21, 26

    Reunido o Xurado do L CERTAME DE XORNALISMO...

  • L CERTAME NACIONAL DE POESÍA SOBRE O NADAL Xaneiro 20, 26

    Reunido o Xurado do L CERTAME NACIONAL DE...

  • Convocatoria de Asemblea Xeral de Socios do Centro Cultural José Domínguez Guizán Xaneiro 14, 26

    De conformidade co disposto nos Estatutos polos...

  • II CERTAME AUDIOVISUAL SOBRE O NADAL do Belén de Begonte Xaneiro 14, 26

    Xa hai gañadores do II CERTAME AUDIOVISUAL...

  • Fallo do Xurado do L CERTAME DE DEBUXO INFANTIL SOBRE O NADAL Xaneiro 13, 26

    En Begonte, a 5 de xaneiro de 2026, reúnense os...

< >

Belén de Begonte
Avda. de Galicia, s/n – Begonte – 27373 – LUGO – ESPAÑA / info@belendebegonte.es
Teléfono: +34 629 748 609 / +34 649 096 133
GaliciaDigital 2017-2026