XXXV CERTAME GALEGO DE ARTE

02/01/2025

Na Delegación territorial da Xunta de Galicia en Lugo reùnese o Xurado da XXXV edición do CERTAME GALEGO DE ARTE “JOSÉ DOMÍNGUEZ GUIZÁN”, in memorian Manuel Gulín Rodríguez, convocado polo Centro Cultural impulsor do Belén de Begonte, formado por: Aurelia Balseiro, Directora do Museo Provincial de Lugo; Gonzalo Sánchez Folgueira, “Zalo”, pintor e fotógrafo; Sonia Varela, Concelleira de Cultura do Belén e membro da directiva do Centro cultural convocante, actuando como secretario, sen voz nin voto, o Presidente do Centro, Xulio Xiz.

Por unanimidade, acordan conceder o Premio galego de Arte “José Domínguez Guizán”, dotado con 2.000 € e diploma, á obra “Sistouza”, de Eduardo Baamonde, vilalbés residente en Cambados(Pontevedra).

Concédense cadansúa Mención de honra, pola calidade das obras presentadas a “Río dourado”, de Manuel Carballeira, pintor de Cospeito residente en Valdoviño e “Brisa del Cantábrico”, de Miguel Torre, de O Incio.

Acordan, asimesmo, conceder Mención especial, dotada con diploma, á obra “Vista de la Rinconada y la Catedral”, do lucense José Luís Mendaña, “Cubi”.

 

Otras noticias

< >